අහිමිද ඇය..

නිමිත්ත-නායකත්ව පුහුණුවට සහභාගී වූවෙකුට වූ දෙයක් ;)

මුල්ම වරට නුඹ හිනැහුනු අන්දා

මුවග අහිංසක මදහස රන්දා

හෙලපු බැල්ම හිත සැනසුව හන්දා

මැවුනු සිතුම් සැනෙකින් සිත් බැන්දා

පෙර විඳ නැති මේ සිතිවිලි උස්සා

නුඹෙ තතු දැන ගන්නට හිත රුස්සා

කැරකුනු මුත් තිස්සෙම මේ පිස්සා

නුඹ ලඟ සිටි විට හිත පසු බැස්සා

අරුමෙකි මට නම් සිදු වී ඇත්තේ

නොදනිමි ඇගෙ නම,ගම කොයි පැත්තේ

තතු විමසන්නට කෙනෙකුගෙ මත්තේ

මින් පෙර මෙලෙසට නැත තැති ගත්තේ

පිපි අදහස් හිර වී හිත අස්සේ

දින අවසන් විය ගෙවුනු බූස්සේ

නුඹට හොරා මා එක් කළ රහසේ

මතකය පමණක් වැලපේ මනසේ