හිරුගෙන් මිදී හෝරාවෙකින්
දැනුනෙන් සීත ගේනා සුළන්
ඇසුනෙන් ඈත හෝ ගා හඬින්
පොරවා හිසේ සිට පා මතින්
යහනා සුවේ මවලා සිතින්
සැලසුම් ඇඳී නිදනා ලෙසින්
සයනේ බලා ගියෙ මා තුටින්
සැණෙකින් හිතේ අකුණක් ලෙසින්
කෙටුනා යමක් සිහිවී ගියෙන්
පෙරදා පුරේ සිඟමන් යදින්
සිටි ඒ දනා කෙලෙසක නිදන්
නොතෙමුනු කඩ පිලක් කොහොමින් හොයන්නද
කොතැනක මේ පෙට්ටි කොළ ටික එලන්නද
තෙතවුනු ඇඳි ඇඳුම් හැර තව අදින්නද
නැති කල වෙන ඇඳුම් මං මක් කරන්නද
ඉඳ ගත් පිලත් හිරිකඩ වලකනු නොහැකී
හුළඟත් ඇවිත් හිරිගඩු ඇහරන සෙයකී
වහගත් නමුත් හිස සිලි කවරෙන් සුරැකී
දෙවියනි තවත් සීතල ඉවසනු නොහැකී
No comments:
Post a Comment